Yuqoridagi infografikada tarixda eng uzoq umr ko‘rgan insonlar reytingi keltirilgan bo‘lib, erkaklar va ayollar orasidagi eng yuqori ko‘rsatkichlar alohida ta’kidlangan. Vizualizatsiya uchun ma’lumotlar Wikipedia’dan olingan; u Gerontology Research Group va Guinness World Records kabi rasmiy manbalardan tekshirilgan yozuvlarni jamlaydi.
Bu reytingdagi barcha ayollar 115 yoshdan ortiq yashagan, rekord esa fransiyalik Janna Kalmanga tegishli — u 122 yil 164 kun umr ko‘rgan.
1875 yilda tug‘ilgan Janna Eyfel minorasi qurilishi, ikki jahon urushi va zamonaviy texnika paydo bo‘lishining guvohi bo‘lgan. U o‘zining uzoq yashashini “O‘rta Yer dengizi uslubida”gi turmush tarzi bilan izohlardi: terisi uchun zaytun yog‘ini muntazam qo‘llash, shokoladni me’yorida iste’mol qilish hamda jismoniy faollikni saqlash.
Yaponiyalik Dziroemon Kimura esa eng uzoq umr ko‘rgan erkak sifatida e’tirof etilgan — 116 yil 54 kun. U uzoq yashashini faollik va ovqatni to‘yib yemaslik (me’yorga rioya qilish) bilan bog‘lardi.
Ayollar odatda biologik va xulq-atvor omillari tufayli erkaklarga nisbatan uzoqroq yashaydi. Masalan, estrogen yurak-qon tomir tizimini ma’lum darajada himoya qilishi mumkin, shuningdek, ayollar odatda spirtli ichimlikni suiiste’mol qilish yoki xavfli faoliyat turlari bilan shug‘ullanish kabi tavakkalli xulq-atvorga kamroq moyil bo‘ladi.
