O‘zbekistonga keluvchi turistlar orasida Qirg‘iziston, Qozog‘iston va Tojikiston peshqadam

Milliy statistika qo‘mitasiga ko‘ra, 2025 yil yanvar–sentabrda O‘zbekistonga turistik maqsadda qariyb 8,6 mln xorijlik tashrif buyurdi - o‘tgan yilga nisbatan +49,3 foiz. Eng ko‘p tashrif Qirg‘iziston (2,4 mln), Qozog‘iston (2,0 mln) va Tojikiston (1,9 mln) fuqarolari hissasiga to‘g‘ri keldi.

Foto: Kun.uz

Joriy yilning 9 oyida O‘zbekistonga turistik maqsadlarda kelgan xorijiy fuqarolar soni 8,6 mln nafarga yetdi. Bu ko‘rsatkich o‘tgan yilning mos davriga nisbatan qariyb 2,8 mln nafarga oshib, 49,3 foizlik o‘sishni qayd etdi.

Mamlakatlar kesimida:

Qirg‘iziston — 2,4 mln;
Qozog‘iston — 2,0 mln;
Tojikiston — 1,9 mln;
Rossiya — 757,1 ming;
Afg‘oniston — 343,6 ming;
Turkmaniston — 275 ming;
Xitoy — 176,9 ming;
Turkiya — 129,9 ming;
Hindiston — 55,8 ming;
Koreya Respublikasi — 35,2 ming;
boshqa davlatlar — 435 ming.

Raqamlar yaxlitlangan. Turistlar oqimining yarmidan ko‘pi qo‘shni davlatlar hissasiga to‘g‘ri kelayotgani mintaqaviy turizm faolligi va chegaraoldi sayohatlarning kuchayganini ko‘rsatadi.