Milliy statistika qo‘mitasi ma’lumotlariga ko‘ra, 2025 yilning 1 noyabr holatiga O‘zbekistonda 399,8 mingta tijorat tashkilotlari faoliyat yuritmoqda.
Ularning 313 mingtasi mas’uliyati cheklangan jamiyatlar (MChJ) bo‘lib, bu umumiy korxonalar sonining 78,3 foizini tashkil etadi.
Tashkiliy-huquqiy shakli bo‘yicha korxonalar soni quyidagicha taqsimlangan:
mas’uliyati cheklangan jamiyatlar – 313 043 ta (78,3 foiz);
xususiy korxonalar – 46 776 ta (11,7 foiz);
oilaviy korxonalar – 36 161 ta (9 foiz);
aksiyadorlik jamiyatlari – 632 ta (0,2 foiz);
boshqa shakldagi tijorat tashkilotlari – 3 199 ta (0,8 foiz).
Ko‘rsatkichlardan ko‘rinib turibdiki, mamlakatdagi tijorat sub’yektlarining katta qismi MChJ shaklida faoliyat yuritmoqda, xususiy va oilaviy korxonalar esa tadbirkorlik tuzilmalarida salohiyatli ulushga ega.
