19 noyabr kuni Isroilning G‘azo bo‘ylab uyushtirgan hujumlari kamida 28 falastinlikning o‘limiga sabab bo‘ldi. Bu Isroil va Hamas o‘rtasidagi sulh kuchga kirganidan beri zo‘ravonlikning navbatdagi kuchayishidir, deb yozmoqda CNN.
G‘azodagi sog‘liqni saqlash rasmiylariga ko‘ra, chorshanba kungi hujumlarda halok bo‘lganlar orasida to‘qqiz nafar bola ham bor. Kamida yana 77 kishi jarohatlangan.
G‘azodagi Al-Ahli Baptist kasalxonasi majmuasida olingan lavhalarda hujumlardan jarohatlanganlarni olib kelayotgan tez yordam mashinalari ko‘rinadi. Kasalxona ichidagi o‘liklar solingan qoplardan birida esa chang bosgan holda yotgan uch nafar bolalarning jasadi bor.
G‘azo Favqulodda xizmatlariga ko‘ra, chorshanba kuni eng ko‘p qurbon bo‘lgan hujum Zaytun mahallasida sodir bo‘lgan: u yerda jami 10 kishi o‘ldirilgan.
Tomonlar bir-birini ayblamoqda
Isroil tomoni Xon Yunusda faoliyat yuritayotgan IDF askarlariga «bir nechta» o‘q uzilganidan so‘ng Hamas nishonlariga hujumlar uyushtirilganini aytdi. Biroq unda Isroil kuchlaridan hech biri jarohatlanmagan. IDFning bildirishicha, «bu harakat sulh kelishuvi buzilishi hisoblanadi»,
Hamas bu hujumlarni «xavfli eskalatsiya» deb qoraladi va Isroilning bayonotini rad etdi. Hamasga ko‘ra, Isroil «davom etayotgan jinoyatlarni oqlashga» urinmoqda. Hamas, shuningdek AQShni Isroilga «sulhga rioya qilish va tajovuzni to‘xtatishga» majbur qilish uchun zudlik bilan, jiddiy bosim o‘tkazishga chaqirdi.
Hujumlar BMT Xavfsizlik Kengashi G‘azo bo‘yicha AQSh rezolyutsiyasini ma’qullaganidan atigi bir necha kun o‘tib sodir bo‘ldi.
Bundan tashqari, kecha Isroil janubiy Livanda Hizbullohga tegishli deb aytilgan qurol omborlariga ham aviazarbalar bergan. Ikki kun oldin Livandagi falastinlik qochqinlar lageriga bergan zarbasi natijasida esa 13 kishi
