10 ming aholiga qancha shifokor to‘g‘ri keladi? Rasmiy ko‘rsatkichlar e’lon qilindi

2025 yil 1 yanvar holatiga O‘zbekistonda har 10 ming aholiga o‘rtacha 28,6 nafar shifokor to‘g‘ri keladi. Ixtisosliklar kesimida ham shifokorlar bilan ta’minlanganlik darajasi aniq raqamlar bilan ochiqlandi.

Foto: Sog‘liqni saqlash vazirligi

Milliy statistika qo‘mitasi ma’lumotlariga ko‘ra, aholining shifokorlar bilan ta’minlanish darajasi quyidagicha (har 10 000 aholiga nisbatan):

terapevtik ixtisosligi bo‘yicha – 10,8 nafar;
jarrohlik ixtisosligi bo‘yicha – 3,3 nafar;
akusher-ginekologlar (10 000 ayolga) – 3,2 nafar;
pediatrlar (0–14 yoshdagi 10 000 bolaga) – 8,3 nafar;
pediatrlar (0–17 yoshdagi 10 000 bolaga) – 7,1 nafar;
oftalmologlar – 0,5 nafar;
otolaringologlar – 0,6 nafar;
ftiziatrlar – 0,2 nafar;
nevropatologlar – 0,9 nafar;
psixiatrlar – 0,3 nafar;
dermatovenerologlar – 0,3 nafar;
stomatologlar – 3,3 nafar;
sanitariya-epidemiologiya guruhi shifokorlari – 1,4 nafar;
rentgenologlar va radiologlar – 0,4 nafar;
onkologlar – 0,3 nafar.

Ma’lumotlarda qayd etilishicha, umumiy ta’minotda terapevt va pediatrlar nisbatan yuqori ulushni egallayotgan bo‘lsa, onkolog, ftiziatr va psixiatr kabi tor mutaxassislar soni nisbatan kamroq.