OTMda sessiyalar 12 yanvardan boshlanadi

2025-2026 o‘quv yili kuzgi semestri uchun yakuniy nazorat ishlari 2026 yil 12 yanvardan boshlab belgilangan grafik asosida o‘tkaziladi. Talabalarning qishki ta’tili esa 10 yanvargacha davom etadi.

Foto: Kun.uz

Oliy ta’lim, fan va innovatsiyalar vaziri Qo‘ng‘irotboy Sharipov buyrug‘iga muvofiq, 2025-2026 o‘quv yilining kuzgi semestrida o‘quv jarayoni hamda fanlardan nazoratlar 2026 yil 12 yanvardan boshlab tashkil etiladi.

Talabalarga kuzgi semestr yakuni bo‘yicha o‘tkaziladigan yakuniy nazorat ishlari bilan bog‘liq barcha ma’lumotlar yetkazilishi belgilangan. Imtihonlarni talab darajasida o‘tkazish va ularning shaffofligini ta’minlash bo‘yicha tegishli chora-tadbirlar amalga oshiriladi.

Shu bilan birga, talabalar uchun qishki ta’til sanasi 10 yanvargacha etib belgilangan.