Taqiqlangan ekinlarni yetishtirish: qamoq jazosi tayinlanganlar ulushi pasaydi

Ma’lumotlarga ko‘ra, 2024 yilda Jinoyat kodeksining 270-moddasi bilan 1 875 nafar shaxs sudlangan. Ulardan 258 nafariga ozodlikdan mahrum qilish jazosi tayinlangan, 1 617 nafari esa ozodlikdan mahrum qilish bilan bog‘liq bo‘lmagan jazolarga (jarima, axloq tuzatish ishlari, ozodlikni cheklash, shartli hukm va boshqalar) tortilgan. Shuningdek, 8 nafar shaxsga nisbatan tibbiy yo‘sindagi majburlov choralari qo‘llanilgan.

2025 yilning 11 oyi mobaynida mazkur modda bo‘yicha 1 748 nafar shaxs sudlangan. Ularning 191 nafari ozodlikdan mahrum qilingan, 1 557 nafariga esa ozodlikdan mahrum qilish bilan bog‘liq bo‘lmagan jazolar (jarima, majburiy jamoat ishlari, axloq tuzatish ishlari, ozodlikni cheklash, shartli hukm) tayinlangan. Tibbiy yo‘sindagi majburlov choralari 4 nafar shaxsga nisbatan qo‘llangan.

Solishtirma ko‘rsatkichlar:

• sudlanganlar umumiy soni 127 nafarga kamaygan (1 875 → 1 748);
• ozodlikdan mahrum qilinganlar soni 67 nafarga qisqargan (258 → 191);
• qamoq jazosi ulushi 13,8 foizdan 10,9 foizga tushgan (−2,8 foiz f.p.).