Bosh prokuratura huzuridagi Departamentning Kosonsoy tumani bo‘limi hamda boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda Kosonsoy tuman “Energosavdo” bo‘limi yuriskonsulti M.M. qo‘lga olindi.
Ma’lum qilinishicha, u “Soycha” MFYda yashovchi fuqaroning xonadonida elektr tarmog‘iga noqonuniy ulanganlik holati yuzasidan tuzilgan dalolatnomaga asosan hisoblangan 28,6 mln so‘m jarimani “yo‘q qilib berish” evaziga o‘z xizmat xonasida 2 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan O‘zbekiston Jinoyat kodeksining 168-moddasi (firibgarlik) bilan jinoyat ishi qo‘zg‘atilib, hozirda tergov harakatlari olib borilmoqda.
