Geologiya fanlari universiteti va Fransiyaning BRGM tashkiloti bilan kelishuvga erishildi

Geologiya fanlari universiteti hamda BRGM davlat muassasasi o‘rtasida o‘zaro hamkorlik aloqalarini yo‘lga qo‘yish, ilmiy-tadqiqot ishlari, geologiya, geokartografiya hamda kadrlar tayyorlash sohalarida hamkorlik istiqbollari muhokama qilindi.

Foto: “Dunyo” AA

Fransiyaning BRGM (Bureau de Recherches Géologiques et Minières) delegatsiyasi Geologiya fanlari universitetiga rasmiy tashrif bilan keldi.

Tashrif doirasida Geologiya fanlari universiteti hamda BRGM davlat muassasasi o‘rtasida o‘zaro hamkorlik aloqalarini yo‘lga qo‘yish, ilmiy-tadqiqot ishlari, geologiya, geokartografiya hamda kadrlar tayyorlash sohalarida hamkorlik istiqbollari muhokama qilindi.

Muzokaralar davomida ikki tomonlama hamkorlikni mustahkamlash, tajriba almashish hamda qo‘shma loyihalarni amalga oshirish masalalari bo‘yicha kelishuvlarga erishildi.

Tashrif doirasida o‘tkazilgan seminarda ishtirokchilar foydali qazilmalarni qazib olish, qayta ishlash, konni yopish va yopilishdan keyingi boshqaruv masalalari bo‘yicha fikr-mulohaza almashdi.