Belgiyaning O‘zbekistondagi yangi elchisi ish boshladi

TIV rahbari o‘zining rasmiy sahifasida uchrashuvdan mamnun ekanini bildirib, muzokaralarda ikki tomonlama munosabatlarning barcha yo‘nalishlari muhokama qilinganini ma’lum qildi. Xususan, O‘zbekiston va Belgiya o‘rtasida savdo, investitsiya va ishbilarmonlik hamkorligini yanada rivojlantirish, shuningdek amaliy iqtisodiy hamkorlikni kengaytirish muhimligi alohida ta’kidlangan.

Uchrashuv yakunida elchiga mamlakatdagi diplomatik faoliyatida muvaffaqiyat tilaklari izhor etilgan.

Ma’lumot o‘rnida, O‘zbekiston va Belgiya o‘rtasida diplomatik munosabatlar 1992 yil 16 mart kuni o‘rnatilgan.

Shuningdek, “Dunyo” AA keltirgan ma’lumotga ko‘ra, Belgiyaning yangi elchisi 59 yoshda bo‘lib, 1993 yildan buyon xalqaro tashkilotlar, Belgiya Tashqi ishlar vazirligi hamda xorijdagi vakolatxonalarida mas’ul lavozimlarda ishlagan tajribali diplomat hisoblanadi.

Erik de Mayyer 2024 yilda Belgiyaning Toshkentdagi elchisi sifatida akkreditatsiyadan o‘tgan Anri Vantigem o‘rnini egallagan.