Жиноят-ижро кодексига маҳкумлар ҳуқуқига оид ўзгартириш ва қўшимчалар киритилди, деб хабар берди Адлия вазирлиги.
Қайд қилинишича, озодликдан маҳрум этилган маҳкумларнинг масофали видео-учрашувдан фойдаланиш ҳуқуқини белгилашни назарда тутувчи ўзгартириш ва қўшимчалар киритилган.
Энди маҳкум ўз шахсий маблағи ҳисобидан тўланадиган, 15 дақиқа давом этадиган 1 марта масофали видео-учрашув ёки телефон орқали сўзлашиш ҳуқуқига эга бўлди.
Илгари маҳкумнинг фақатгина 15 дақиқа давом этадиган 1 марта телефон орқали сўзлашиш ҳуқуқига эгалиги белгиланган эди.
Қонун расмий эълон қилинган кундан (15 январдан) кучга кирди.
