Qo‘shnilar birinchi o‘rinda: O‘zbekistonga davolanish uchun kelganlar soni 86 mingga yetdi

Milliy statistika qo‘mitasi qayd etishicha, 2025 yilda davolanish uchun O‘zbekistonga kelgan xorijiy fuqarolar soni 86 199 nafarni tashkil etgan. Mamlakatlar kesimida eng yuqori ko‘rsatkich qo‘shni davlatlar hissasiga to‘g‘ri kelmoqda: Tojikiston, Qirg‘iz Respublikasi va Qozog‘istondan kelganlar umumiy oqimning 96,3 foizini (83 000 nafar) tashkil etgan.

Eng ko‘p kelganlar quyidagicha:

• Tojikiston — 59 145 nafar (68,6 foiz);
• Qirg‘iziston — 15 631 nafar (18,1 foiz);
• Qozog‘iston — 8 224 nafar (9,5 foiz);
• Rossiya — 1 899 nafar (2,2 foiz);
• Afg‘oniston — 914 nafar (1,1 foiz);
• Turkmaniston — 224 nafar (0,26 foiz);
• Turkiya — 47 nafar;
• AQSh — 16 nafar;
• Xitoy — 15 nafar;
• Ozarboyjon — 11 nafar;
• boshqa davlatlar — 73 nafar.

Ma’lumotlarga ko‘ra, davolanish maqsadida keluvchilar oqimida qo‘shni mamlakatlar ustunligi saqlanib qolmoqda. Bu, o‘z navbatida, hududiy yaqinlik, qatnov imkoniyatlari hamda xizmatlardan foydalanish qulayligi kabi omillar bilan izohlanadi.