Yangi röyxatdan ötkazişlardagi eng katta uluş — bozorning 34,5 foizi (ya’ni sotuvlarning uçdan biridan ham köproği) gibrid avtomobillar hissasiga töğri keldi. Ösiş asosan Ispaniya hisobiga ta’minlangan (sotuvlar 23,1 foizga oşgan), şuningdek Fransiyada ham ösiş 21,6 foiz bölgan.
Bozor uluşi böyiça ikkinçi örinda benzin dvigatelli avtomobillar — 26,6 foiz. Ammo YeIning barça asosiy mamlakatlarida ular savdosi pasayişda davom etgan. Fransiyada benzinli avtomobillar röyxatdan ötkazilişi ötgan yilga nisbatan 32 foizga kamaygan, Germaniyada esa bunday maşinalar soni ötgan yilga qaraganda taxminan 22 foizga kam bölgan.
Bozorda uçinçi örinni uluşi 17,4 foiz bölgan töliq elektr avtomobillar egalladi. Jami taxminan 1,9 mln akkumulyatorli elektromobil röyxatdan ötkazilgan — bu 2024 yilga nisbatan qariyb 30 foizga köp. Germaniyada ösiş 43,2 foizni taşkil etgan.
Keyingi örinda uluşi 9,4 foiz bölgan va yangi röyxatdan ötkazişlar 33,4 foizga ösgan gibridlar (plug-in hybrid) turadi. Dizel avtomobillar savdosi yana bir bor pasayganidan keyin bozorning 8,9 foiziga teng bölgan. Qolgan dvigatel turlari uluşiga 3,3 foiz töğri kelgan.
Röyxatdan ötkazişlar soni ösganiga qaramay, avtosanoat bosim ostida qolmoqda. EY konsalting kompaniyasi eslatişiça, pandemiyadan oldingi 2019 yilda YeIda taxminan 13 mln yangi avto sotilgan. Demak, ötgan yilgi yengil avtomobillar savdosi inqirozdan oldingi darajadan taxminan 17 foizga past bölgan.
“Ösiş faqat toşbaqadek sur’atda ketyapti”, — dedi EY'ning avto bozori böyiça eksperti Konstantin Gall. Uning fikriça, kelajakda ham faqat ozgina tiklanişni kutsa böladi, çunki iqtisodiy şaroitlar noqulay, ham xususiy xaridorlar, ham kompaniyalar qaror qabul qilişda ehtiyotkorlik qilmoqda. Gall avtosanoat “murakkab 2026 yilga tayyorlanişi kerak”ligini aytdi.
Elektromobillar savdosi haqida gapirib, u qöşimça qildi: ular ösişi bir neça yil oldin kutilgan va prognoz qilinganidan ança sekin ketmoqda. Germaniyada elektromobil xaridorlari uçun yangi subsidiya sotuvlarni yana oşirişi mumkin, ammo asosan past narx segmentida nemis avtogigantlari hozirça yetarliça kuçli emas, deb hisoblaydi EY eksperti.
