Temiryo‘lda yo‘lovchi tashish ko‘rsatkichi 10,5 mln nafarga yetdi

Milliy statistika qo‘mitasi keltirgan ma’lumotlarga ko‘ra, 2025 yilda temiryo‘l transporti orqali tashilgan yo‘lovchilar soni 10,5 million nafarni tashkil etdi. Ta’kidlanishicha, mazkur ko‘rsatkich 2024 yilga nisbatan 700 ming nafarga oshgan bo‘lib, o‘sish taxminan 7 foizdan ortiqni tashkil qiladi.

Shuningdek, hisobot davrida temiryo‘l xizmatlaridan bir kunda o‘rtacha 28,8 ming nafar yo‘lovchi foydalangan. Bu yil davomidagi umumiy yo‘lovchi oqimining barqarorligini ko‘rsatadi.

Mutaxassislar bunday o‘sishga ichki safarlar faollashuvi, yo‘nalishlar geografiyasi kengayishi, qatnovlar qulayligi va xizmat sifati yaxshilanishi kabi omillar ta’sir ko‘rsatishi mumkinligini qayd etadi.

Yil yakunlari bo‘yicha ko‘rsatkichlar aniqlashtirilishi mumkinligi bildirilgan.