Abdulla Qodiriy ko‘chasida YTH: Mercedes to‘siqqa urildi

Toshkent shahar Yashnobod tumanida Abdulla Qodiriy va Taraqqiyot ko‘chalari kesishmasidagi ko‘prik osti yo‘lida Mercedes rusumli avtomobil rul boshqaruvini yo‘qotib, beton to‘siqqa urilishi oqibatida YTH sodir bo‘ldi. Hodisa natijasida tan jarohati olganlar yo‘q.

Foto: AFP

Joriy yilning 11 fevral kuni Yashnobod tumani Abdulla Qodiriy va Taraqqiyot ko‘chalari kesishmasidagi ko‘prik osti yo‘lida 1978 yilda tug‘ilgan haydovchi O.I. boshqaruvidagi Mercedes rusumli avtotransport vositasi rul boshqaruvini yo‘qotib, beton to‘siqqa urilishi natijasida yo‘l-transport hodisasi sodir bo‘lgan.

YTH natijasida tan jarohati olganlar yo‘q.

Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.

Toshkent shahar IIBB YHXB barcha haydovchilardan belgilangan qoidalarga amal qilishni hamda harakatlanishda oraliq masofani saqlashni so‘ragan.