Toshkentdagi YTH oqibatida Lacetti ikkiga bo‘linib ketdi

Toshkent shahri Sergeli tumanida Lacetti YTH oqibatida ikkiga bo‘linib ketdi. Holat aks etgan tasvirlar ijtimoiy tarmoqlarda tarqaldi. Unda Lacetti ikkiga bo‘linib ketgani, Leapmotor C 16 esa old tomonidan jiddiy shikastlanganini ko‘rish mumkin. 

Poytaxt IIBB YHXB matbuot xizmati xabar qilishicha, hodisa 15 fevral kuni soat 09:00 larda Qipchoq-Quruvchilar ko‘chalari chorrahasida sodir bo‘lgan.

YTH oqibatida Lacetti haydovchisiga va bekatda turgan bir nafar piyodaga shifokorlar tomonidan birinchi tez tibbiy yordam ko‘rsatilgan.

Ayni paytda holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.