16 fevral kuni soat 20:51 da Toshkent shahar Shayxontohur tumani, Beltepa ko‘chasida joylashgan shaxsiy xonadonda yong‘in sodir bo‘layotgani to‘g‘risida Toshkent shahar Favqulodda vaziyatlar bosh boshqarmasiga xabar kelib tushgan.
Shundan so‘ng qutqaruv texnikalari ko‘rsatilgan manzilga soat 20:54 da yetib borgan va yong‘in o‘chirish ishlari olib borilgan. FVBB ma’lumotida vaziyat to‘liq nazoratga olingani qayd etilgan.
Qo‘shimcha ma’lumotga ko‘ra, yong‘in soat 21:29 da qurshab olingan va soat 21:38 da to‘liq o‘chirilgan.
Toshkent shahar FVBB ma’lumotiga ko‘ra, yong‘in oqibatida jarohatlanganlar to‘g‘risida xabar kelib tushmagan.
