Ma’lum qilinishicha, menejer hokimiyat tizimidagi mansabdor tanishlari orqali Oqoltin tumanida yashovchi fuqaroga imtiyozli ravishda uy-joy olishi uchun subsidiya mablag‘i ajratilishiga yordam berish evaziga 8 ming AQSh dollari talab qilgani aytilayotgan.
Davlat xavfsizlik xizmati va Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda u 96 million so‘mni olgan vaqtida ushlangan.
Hozirda gumonlanuvchiga nisbatan Jinoyat kodeksining 168-moddasi 2-qismi “a” bandi hamda 28,211-moddasi 1-qismi bilan jinoyat ishi qo‘zg‘atildi. Unga nisbatan “qamoq” ehtiyot chorasi qo‘llangan. Tergov harakatlari olib borilmoqda.
