Eng ko‘p sarf Samarqand va Toshkentda: ta’mir xizmatlari statistikasi

Milliy statistika qo‘mitasi keltirgan ma’lumotlarga ko‘ra, 2025 yilda respublika bo‘yicha kompyuterlar va maishiy tovarlarni ta’mirlash xizmatlari hajmi qariyb 14,4 trln so‘mga yetgan. Bu ko‘rsatkich 2024 yilga nisbatan 20,7 foizga o‘sgan.

Hududlar kesimida eng katta hajm Samarqand viloyatida — 1,8 trln so‘m, Toshkent shahrida — 1,7 trln so‘m qayd etilgan. Keyingi o‘rinlarda Toshkent viloyati va Farg‘ona viloyati (har biri 1,5 trln so‘m) hamda Qashqadaryo viloyati (1,4 trln so‘m) turadi.

Qolgan hududlarda ko‘rsatkichlar quyidagicha:

Qoraqalpog‘iston — 838,8 mlrd so‘m;
Andijon — 987,4 mlrd so‘m;
Buxoro — 796,5 mlrd so‘m;
Jizzax — 468,2 mlrd so‘m;
Navoiy — 344,3 mlrd so‘m;
Namangan — 1,1 trln so‘m;
Surxondaryo — 781,7 mlrd so‘m;
Sirdaryo — 254,4 mlrd so‘m;
Xorazm — 995,1 mlrd so‘m.

Eng past ko‘rsatkich Sirdaryo viloyatida — 254,4 mlrd so‘m qayd etilgan.