Ho‘rmuz bo‘g‘ozida Eron zarba bergan tanker cho‘kmoqda

Unga O‘mon sohillari yaqinida Eron droni bilan hujum qilingan. Tanker Palau bayrog‘i ostida suzayotgan bo‘lgan.

Foto: Videodan kadr

Ho‘rmuz bo‘g‘ozini kesib o‘tishga uringan tanker dron zarbasi berilishi oqibatida cho‘kmoqda, deb xabar berdi Eron davlat teleradiokompaniyasi (IRIB).

Reuters agentligining yozishicha, Ho‘rmuz bo‘g‘ozida Skylight deb nomlanuvchi tanker cho‘kmoqda.

Unga O‘mon sohillari yaqinida Eron droni bilan hujum qilingan. Tanker Palau bayrog‘i ostida suzayotgan bo‘lgan.

OAVning yozishicha, ayni paytda tanker ekipaji evakuatsiya qilinmoqda.

Avvalroq Reuters Islom inqilobi qo‘riqchilari korpusining harbiy-dengiz floti kemalarga Ho‘rmuz bo‘g‘ozini kesib o‘tishni taqiqlagani haqida xabar qilgandi. Ammo Eron tomoni bu xabarni rasman tasdiqlamagan.

Tayyorlagan Дилшодбек Асқаров

#Eron #tanker #Ho‘rmuz bo‘g‘ozi

Eron yadro dasturi bo‘yicha muzokaralar rasman tugamay turib, 2026 yil 28 fevral kuni AQSh va Isroil Eron hududiga zarbalar bera boshladi. Prezident Donald Tramp hujumlardan maqsad Tehrondagi rejimni ag‘darish ekanini e’lon qildi.