AQSh desantlari Yaqin Sharqqa yetib keldi

Guruh tarkibidan 3500ga yaqin dengizchi va dengiz piyodalari hamda transport va qiruvchi samolyotlar, desant vositalari va boshqa texnikalar o‘rin olgan.

Foto: U.S. Central Command

Tripoli desant kemasida 3,5 ming nafarga yaqin Amerika dengizchilari va dengiz piyoda qo‘shinlari Yaqin Sharqqa yetib keldi, deb xabar berdi AQSh qurolli kuchlari markaziy qo‘mondonligi (CENTCOM) matbuot xizmati.

Ma’lumot berilishicha, kema Tripoli desant guruhining yalovbardori hisoblanadi.

«Guruh tarkibiga 3500ga yaqin dengizchi va dengiz piyodalari hamda transport va qiruvchi samolyotlar, desant vositalari va boshqa texnikalar kiradi», — deyiladi xabarda.

26 mart kuni The Wall Street Journal kongressdagi manbalariga tayanib «yaqin vaqt ichida» AQShning Eronga qarshi quruqlikdagi operatsiyasi boshlanishi haqida xabar bergandi.

Gazetaning yozishicha, AQSh dengiz piyodalaridan Eronning janubiy sohilidagi bir yoki bir nechta orolni egallashda foydalanishi mumkin.

Tayyorlagan Дилшодбек Асқаров

#AQSh #desant #Yaqin Sharq

Eron yadro dasturi bo‘yicha muzokaralar rasman tugamay turib, 2026 yil 28 fevral kuni AQSh va Isroil Eron hududiga zarbalar bera boshladi. Prezident Donald Tramp hujumlardan maqsad Tehrondagi rejimni ag‘darish ekanini e’lon qildi.