Бухоро шаҳрида яшовчи фуқаро ўз бошқарувида бўлган Chery русумли автомашинасида йўл транспорт ҳодисасини содир этди.
Бухоро вилояти ИИБнинг хабарига кўра, воқеа 15 апрел куни соат тахминан 20:50ларда юз берган.
Олиб борилган суриштирув ҳаракатлари давомида ҳайдовчи спиртли ичимлик таъсирида автомашина бошқарганлиги аниқланган.
Қайд этилишича, унинг мастлик ҳолати тегишли тартибда расмийлаштирилган.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
