Trampçi Karlson Trampning aşaddiy tanqidçisiga aylandi

Bu intervyu nimasi bilan muhimligini tuşuntiriş uçun suhbatdoş haqida ikki oğiz. Mayk Xakkabi – sionist, ya’ni nasroniy sionist. Bunday e’tiqoddagi nasroniylar Isroil Yaqin Şarqdagi göyoki «Xudo tomonidan berilgan yerlarga» egalik qilişga haqli deb hisoblaydi. Ularning iddaosiça, Isroil göyoki Injilda körsatilgan çegaralarda mavjud bölişi kerak. Xakkabi «Falastin davlati tuzilmasligi kerak», «Isroilni qöllaş Amerikaning diniy vazifasi» deb hisoblaydi.

Karlson ana şu elçining oldiga bordi-da, «ayting-çi, janob elçi, Xudo va’da qilgan yerlar degan da’vo qayerdan paydo böldi?» deb söradi. Elçi javobni Injildan boşlab, uçta uruşni, ikki intifodani, Livan bilan uruşlarni ham tilga olişni unutmadi. Lekin Karlson uni siquvga oldi: «Isroil mavjud bölişga haqli deyapsiz, bu böyiça muammo yöq, lekin yana qaysi davlatda Isroil kabi mavjud böliş huquqi bor?» Elçi yana gapni Injilga taqaşga intilganda Karlson uni qöşimça savollar bilan şoşirib qöydi.

Butun suhbat davomida Karlson hozirgi Isroil hukumati qilayotgan işlar nega Amerika rahbariyati tomonidan qöllanayotgani haqida savol berdi, lekin elçi yana javobni diniy asosga olib borib taqayverdi. Bir söz bilan aytganda, debat şaklida ötgan uç soatga yaqin intervyuni Taker Karlson yutdi.

Jurnalist bu intervyu bilan çeklanmadi, Isroil Amerikaga qançalik ta’sir körsatayotgani haqida köplab efirlar qildi. Ğazoda çerkov yopilgani, zamonaviy xolokost ketayotgani haqida suhbatlar çiqardi. Hatto Tramp özining aşaddiy tarafdori bölgan Karlsonni axmoq deb atab bir neçta post yozdi, Karlson MAGA jamoasidan ketkazilganini aytdi. Trampgaça yetib bordimi, bilib olavering Karlson qançalik çuqurlaşib ketganini.

Uning pozitsiyasi nega muhim?

Endi Taker Karlsonning pozitsiyasi nega muhim ekani haqida. Amerikada söz erkinligi borasida muammo yöq göyoki. Axir ularda söz erkinligi Konstitutsiyada Birinçi tuzatişi bilan mustahkamlab qöyilgan, hukumat söz erkinligini çeklaşga oid heç qanday qaror qabul qilolmaydi, jurnalistlarni ta’qib qiliş katta jinoyat hisoblanadi.

Lekin mana şu Amerikada ham matbuot masalasida hammasi joyida emas. Amerikada odamlar fikriga ta’sir qila oladigan barça yirik naşrlar qaysidir milliarderga, biror kompaniyaga tegişli. Partiyalar naşrlarni oçiqçasiga qöllaydi, moliyalaştiradi. Şu uçun Amerikada jurnalistlar sportçilar darajasida, juda katta maoş oladi. Öylamang, amerikalik jurnalistlar, telekanallar reklama orqasidan «pul tagida qolib ketgan» deb, hammasining ortida qandaydir siyosiy kuç va iqtisodiy baquvvat «Sem amaki» turgan böladi.

Masalan, Washington Post Jyeff Bezosga tegişli. Özbekçasiga moslaydigan bölsak, agar Amazon biror amerikalik fermerning yerini tortib olsa yoki dökon quraman deb odamlarning uylarini snos qilsa, bu haqda hamma yozsa ham, Washington Post yozmaydi, işonavering. NYT va CNN demokratlarga oğişadi, FOX News respublikaçilarniki. Boylar matbuot kuçiga ega böliş uçun şunaqa katta pul tökadiki, oqibatda Amerikada mustaqil naşrlarni topiş qiyin. Borlari ham ommaviy fikrga ta’sir qiladigan darajada emas. Bunday kuçga egalar yo respublikaçilar, yo demokratlarga oğişadi.

Taker Karlson ana şu mediamakonda juda noodatiy şaxs. FOX Newsʼdan ketganidan keyin u şundoğam mustaqil jurnalistga aylanib ketgandi, lekin baribir respublikaçilar piarida qatnaşardi, juda faol qatnaşardi. Oxirgi bir neça oy içida esa Taker Karlson köz öngimizda Amerikadagi eng yirik mustaqil naşrga aylanib bormoqda. Uni YouTubeʼning özida 5,5 milliondan ortiq odam kuzatadi, videolarini millionlab odamlar tomoşa qiladi, aynan boşqalarga öxşamagani uçun. Respublikaçi Karlson respublikaçi prezidentning eng aşaddiy tanqidçisiga aylanişi jarayonini kuzatiş juda qiziqarli.