Karlovi Vari – Chexiyaning g‘arbiy qismida, Bogemiyaning yashil tepaliklari bag‘rida joylashgan mashhur kurort shahar. U o‘zining termal mineral buloqlari bilan butun Yevropada tanilgan bo‘lib, asrlar davomida tiklanish, davolanish va ruhiy xotirjamlik izlagan insonlarni o‘ziga jalb qilib keladi.

Nega aynan Karlovi Variga sayohat ota-onalar uchun eng yaxshi sovg‘a?

Karlovi Vari shovqin-surondan yiroq, tabiat quchog‘idagi sokin muhitga ega shahar. Bu yerga odamlar faqat dam olish uchun emas, o‘z salomatligi va ichki muvozanatini tiklash uchun keladi.

Ko‘p hollarda ota-onalar yillar davomida oila, farzandlar va uy-ro‘zg‘or tashvishlari bilan band bo‘lib, o‘zlari uchun vaqt ajratishni keyinga surib qo‘yadi. Karlovi Vari esa ularga aynan shu imkoniyatni beradi: sukunat, davolovchi suvlar, yengil sayrlar va tabiiy muolajalar orqali o‘zini qayta his qilish imkoni.

Dam olish uchun qancha vaqt kerak?

Agar maqsad to‘liq sog‘lomlashish bo‘lsa, 2 haftalik sayohat eng maqbul variant hisoblanadi. Bu vaqt davomida individual davolash dasturini tanlash, shifokor maslahatlari olish va mineral suvlar kursi orqali maksimal samaraga erishish mumkin.

Cyohat ko‘proq Yevropaning atmosferasini his etish, shahar bo‘ylab sayr qilish va umumiy dam olish uchun bo‘lsa, 7 kun ham yetarli hisoblanadi.

Karlovi Varida qanday kasalliklar davolanadi?

Bu kurort asosan hazm tizimi va modda almashinuvi bilan bog‘liq muammolarni bartaraf etishga ixtisoslashgan. Davolash asosini mineral suv ichish kursi tashkil qiladi va u har bir inson uchun alohida belgilanadi.

Karlovi Vari quyidagi holatlarda tavsiya etiladi:

• oshqozon-ichak tizimi kasalliklari;

• surunkali gastrit va hazm buzilishlari;

• jigar va o‘t pufagi kasalliklari;

• oshqozon osti bezi muammolari;

• modda almashinuvi buzilishlari;

• qandli diabet;

• semizlik;

• podagra;