Amerikalik olimlar inqilobiy tadqiqot ötkazib, uzoq umr köriş genini körsiçqonlardan oddiy siçqonlarga ötkazdi, deb xabar berdi ScienceDaily.
Kalamuşlar 41 yilgaça yaşaş qobiliyati bilan maşhur bölib, bu boşqa kemiruvçilarning umridan deyarli ön baravar köp. Tadqiqotçilar sir yuqori molekulyar massali gialuron kislotasini (HMW-HA) işlab çiqariş uçun mas’ul bölgan maxsus genda yaşiringanini aniqladi.
«Tadqiqotimiz sutemizuvçilarning uzoq umr köruvçi turlarida rivojlangan noyob uzoq umr köriş mexanizmlari boşqalarning umr köriş davomiyligini yaxşilaş uçun eksport qilinişi mumkinligi tamoyilini tasdiqlaydi», dedi biologiya va tibbiyot professori Vera Gorbunova.
Ma’lumotlarga köra, genetik jihatdan özgartirilgan siçqonlar nafaqat umr köriş davomiyligini taxminan 4,4 foizga oşirdi, balki sezilarli darajada yaxşi soğliqni ham namoyiş etdi. Xususan, tajriba hayvonlarida ösmalardan himoyalaniş, töqimalarda yalliğlaniş jarayonlarining past darajasi va içak immunitetining kuçliligi kuzatildi.
Professor Andrey Seluanovning fikriça, bu kaşfiyot kelajakda odamlarda olib boriladigan tadqiqotlar uçun eşiklarni oçadi.
«Biz allaqaçon gialuronning parçalanişini sekinlaştiradigan molekulalarni aniqladik va ularni sinovdan ötkazmoqdamiz», dedi u.
Olimlar vaqt ötişi bilan bu biologik mexanizmlar insoniyatga qarilik kasalliklariga qarşi kuraşişda yordam berişiga umid qilmoqda.
