Дания ва Украина миллий жамоалари ўртасидаги ўртоқлик учрашувининг 65-дақиқасида даниялик ярим ҳимоячи кўксини ушлаб майдонга йиқилди ва шифохонага олиб кетилди.
Ушбу ҳолатдан сўнг жамоалар учрашувни давом эттирмасликка қарор қилди.
Ўйин тўхтатилган пайтда Дания 2:1 ҳисобида олдинда бораётган эди.
Дания футбол иттифоқи Кристиан Эриксен ҳушига келганини маълум қилди.
“Кристиан Эриксен ҳушида ва ўзини яхши ҳис қилмоқда”, — дейилади баёнотда.
2021 йил июнида Европа чемпионати доирасидаги Дания ва Финландия миллий жамоалари ўртасидаги учрашув вақтида ҳам Эриксеннинг юраги тўхтаб қолганди. Ўшандан буён 34 ёшли футболчи кардиостимулятор билан ўйнаб келмоқда.
