O‘zbekiston milliy jamoasi FIFAning navbatdagi xalqaro kunlari doirasida, 6 oktyabr kuni Janubiy Koreya milliy jamoasiga qarshi o‘rtoqlik o‘yinida maydonga tushadi.
Uchrashuv koreyslar maydonida bo‘lib o‘tadi.
O‘zbekiston futbol assotsiatsiyasi xabariga ko‘ra, Fabio Kannavaro boshchiligidagi milliy jamoa oktyabr oyida bir qator o‘rtoqlik uchrashuvlarini o‘tkazishi rejalashtirilgan. Janubiy Koreya bu davrdagi ilk raqib bo‘ladi.
O‘yinning aniq boshlanish vaqti va o‘tkazilish joyi hozircha ma’lum qilinmagan.
Ma’lumot uchun, O‘zbekiston milliy jamoasi Janubiy Koreyaga qarshi 1997 yildan buyon o‘tkazilgan 13 ta o‘yinda (shundan faqat uchtasi o‘rtoqlik o‘yinlari) biror marta ham g‘alaba qozona olmagan: 9 mag‘lubiyat va 4 durang. To‘plar nisbati – koreyslar foydasiga 29:12.
Xususan, 2018 yilda o‘tkazilgan so‘nggi o‘zaro o‘yinda (o‘rtoqlik uchrashuvi) o‘zbekistonliklar 0:4 hisobida yutqazgan.
O‘zbekistonning to‘rtta duranggidan bittasi 2015 yilgi o‘rtoqlik uchrashuvida (1:1), qolgan uchtasi JCh-2006 saralashi (1:1), JCh-2014 saralashi (2:2) va JCh-2018 saralashi (0:0) o‘yinlarida qayd etilgan.
FIFAning hozirgi reytingida O‘zbekiston 60-o‘rinda qayd etilgan, Janubiy Koreya esa 32-o‘rinni egallab turibdi. Osiyo jamoalari orasida O‘zbekiston yettinchi, Janubiy Koreya to‘rtinchi pog‘onada.
