Raqobat qo‘mitasining “Fair tech” yagona axborot tizimi orqali kelib tushgan ma’lumotlar tahlili davomida uchta farmatsevtika korxonasi tomonidan dori vositalari narxlarini asossiz oshirish holatlari aniqlandi.
“NIKA PHARM” MChJ tomonidan (“GASTROMeG EZO), “Astor Alliance” MChJ tomonidan (“Dolgit krem hamda Mezim f 10000) va “EVRO FARM BIZNES” MChJ tomonidan (BROVeNSIN (World Medicine) sirop) dori vositasini sotishda belgilangan narxlarga rioya etilmaganligi natijasida jami 100 mln so‘mga yaqin asossiz daromad olingan.
Qayd etilishicha, korxonalar tomonidan mazkur holat ixtiyoriy ravishda bartaraf etildi. Vsossiz olingan daromad mavjudligi yuzasidan Soliq qo‘mitasidan kelib tushgan ma’lumotlar asosida o‘rganish o‘tkazilib, ortiqcha olingan mablag‘larni qoplash choralari ko‘rilgan.
Raqobat qo‘mitasi dori vositalarini realizatsiya qiluvchi tadbirkorlik sub’yektlarini qonunchilik talablariga rioya etishga chaqirdi.
