5-avgust kungi savdolar yakunlariga ko‘ra Amerika valyutasi 55 so‘m 49 tiyinga arzonlab, 11 886,72 so‘mni tashkil qildi. Bu 2025-yilning 3-dekabr kunidan beri (11 880,93 so‘m) qayd etilgan minimal qiymat.
Umuman olganda, dollar kursi ketma-ket ikkinchi savdo kuni so‘mga nisbatan pasayib, deyarli 102,7 so‘mga (0,86 foiz) - 11 989 so‘mdan 11 886 so‘mga arzonlashdi. Kun davomida bitta bankda Amerika valyutasini 11 980 so‘mdan, yana 4 ta bankda esa 11 990 so‘mdan sotib olish mumkin bo‘ldi.
So‘mning kuchayishi ko‘p jihatdan ichki va O‘zbekistonga xos omillar bilan bog‘liq bo‘lishi mumkin. Eksport daromadlarining o‘sishi, oltin eksporti daromadlarining sterilizatsiyasi va migrantlar pul o‘tkazmalari hajmining oshishi shular qatoriga kiradi.
