Davlat xavfsizlik xizmati va Bojxona idoralari xodimlari hamkorligida Navoiy viloyatida o‘tkazilgan tezkor tadbirda katta miqdordagi giyohvandlik vositasi musodara qilindi.
Xabar qilinishicha, Konimex tumani hududida harakatlanayotgan «Kobalt» rusumli avtomashina to‘xtatilib ko‘zdan kechirilganda, unda yo‘lovchi sifatida ketayotgan Qozog‘iston fuqarosiga tegishli tsellofan paketda 2 kg 87 gr «opiy» moddasi borligi aniqlandi va ashyoviy dalil sifatida rasmiylashtirib olindi.
Ma’lum bo‘lishicha, u mazkur giyohvandlik moddasini muqaddam narkokur’yerlar tomonidan qo‘shni davlatdan kontrabanda qilinib, qoldirib ketilgan xufiya joydan olib ketayotgan bo‘lgan.
Hozirda unga nisbatan jinoyat ishi qo‘zg‘atilib, «qamoq» ehtiyot chorasi qo‘llanildi.
Tergov harakatlari olib borilmoqda.
