Bugun, 5-avgust kuni Toshkent shahar Favqulodda vaziyatlar bosh boshqarmasi tomonidan Bektemir tumanida joylashgan «Qo‘yliq» dehqon bozori faoliyati qisman cheklandi.
Qayd etilishicha, bunga yong‘in xavfsizligi talablarining qator buzilishlari aniqlangani sabab bo‘lgan.
“Bozor elektr ta’minotidan qisman uzildi. Mutaxassislarning ta’kidlashicha, aniqlangan kamchiliklar yong‘in kelib chiqishi hamda fuqarolar hayoti, sog‘lig‘i va mol-mulkiga xavf tug‘dirishi mumkin”, deyiladi Toshkent shahar FVBB xabarida.
Ma’lum qilinishicha, aniqlangan kamchiliklar to‘liq bartaraf etilgach, bozor faoliyati qayta tiklanadi.
