Toshkent shahridagi Bo‘rijar kanalida cho‘milish vaqtida 13 yoshli Muhammad G‘ayratning cho‘kayotganini ko‘rgan Yakkasaroy tumani Ichki ishlar organlari FMB Post-patrul xizmati inspektori Rasul Jo‘rayev bir lahza ham ikkilanmay o‘zini suvga tashladi.
Inspektorning tezkor harakati natijasida bola suvdan sog‘-salomat holda olib chiqildi va uning hayoti saqlab qolindi.
Qayd etilishicha, huquq-tartibot idorasi xodimining bu harakati inson hayotini asrab qolish yo‘lidagi yuksak mas’uliyat, jasorat va fidoyilik namunasi bo‘ldi.
Rasul Jo‘rayevning mardligi va kasbiy burchga sadoqati yuksak e’tirofga loyiq ekani ta’kidlanmoqda.
