AQSh prezidenti Donald Tramp Xalqaro futbol federatsiyasi (FIFA) biror sababga ko‘ra tashkilot rahbari Janni Infantinoni almashtirish haqida o‘ylasa, “dahshatli xatoga yo‘l qo‘yishini” ma’lum qildi. Bu haqda u Truth Social ijtimoiy tarmog‘ida yozib qoldirdi.
Trampning fikricha, FIFA rahbari tarixda “eng muvaffaqiyatli jahon chempionatini” o‘tkazdi va agar u lavozimidan ketsa, jahon chempionatlari hech qachon bunchalik daromadli bo‘lmaydi.
Iyul oyi oxirida Infantinoning jahon chempionatidagi ulushlarni xususiy investorlarga sotishga qaror qilgani ma’lum bo‘ldi. Huquqlarning taxminan 20 foizini Donald Trampning kuyovi Jared Kushnerning ukasi Joshua Kushner boshchiligidagi xususiy investorlar guruhi olishi kutilgandi.
Bu g‘oya dunyo milliy futbol federatsiyalarining keskin tanqidiga sabab bo‘ldi. Ular agar ulushni sotish to‘g‘risida qaror qabul qilinsa, jahon chempionatlarini boykot etish bilan tahdid qildi. Shundan so‘ng FIFA jahon chempionatidagi ulushlarni xususiy investorlarga sotish rejalaridan voz kechganini e’lon qildi, Infantinoning o‘zi esa uzr so‘radi.
