Olim Davlatovich Davlatov prezidentning vakillik organlari, nodavlat notijorat tashkilotlari va yoshlar masalalari bo‘yicha yangi maslahatchisi etib tayinlandi.
U bu lavozimda 2024-yil dekabridan ishlab kelgan Ruslanbek Davletov o‘rnini egalladi.
Navoiyshunos, filologiya fanlari bo‘yicha falsafa doktori Olim Davlatov muqaddam Alisher Navoiy nomidagi xalqaro jamoat fondiga rahbarlik qilgan. 2022-yil aprelidan Respublika Ma’naviyat va ma’rifat markazi huzuridagi Ijtimoiy-ma’naviy tadqiqotlar instituti direktori lavozimida ishlab kelayotgandi.
