Sitsiliyada Etna vulqoni uyg‘ondi – suratlar

Sitsiliyaning sharqiy sohilida bir haftadan buyon Yevropadagi eng yirik vulqon – Etna vulqoni otilishi kuzatilmoqda. Kataniyadagi Milliy geofizika va vulqonshunoslik instituti observatoriyasi direktori Salvo Gambinoning so‘zlariga ko‘ra, bunday uzoq davom etgan otilish 1970-yillar oxiridan beri kuzatilmagan. U so‘nggi o‘n yilliklarda bir necha bor lava oqimlari kuzatilgani, ammo odatda bunday holatlar bir necha soatda to‘xtaganini qayd etgan. Vulqon kuli Kataniya aeroporti faoliyatiga jiddiy ta’sir ko‘rsatgan va so‘nggi hafta davomida – sayyohlik mavsumi avjida mingdan ortiq reys bekor qilingan. Ayrim yo‘lovchilar bir necha kundan buyon terminallarda tunashga majbur bo‘lmoqda. Gambinoning so‘zlariga ko‘ra, vulqon otilishi qancha davom etishini oldindan aytib bo‘lmaydi – u «ertaga, bir necha kundan keyin, bir hafta yoki bir oydan keyin» to‘xtashi mumkin.