Toshkent shahar hokimi Shavkat Umrzoqov OʻzAga bergan intervyusida shahardagi 35 ta bozor va savdo kompleksi sotuvga qoʻyilishi yuzasidan izoh berdi.
“Bozorlar eng ogʻir yoʻnalishlardan biri. Xalqimiz orasida “Bozor va mozorga tegma”, degan naql bor va ushbu gapning ortida asosli xavotirlar yotibdi. Aholimiz oʻrgangan va nasibasini topayotgani joylar oʻzgarsa, albatta, bezovta boʻladi, ammo aytish lozimki, hozirgi bozorlar koʻrinishi bilan ham, biznes modeli bilan ham zamonaviy talablarga javob bermaydi. Shuning uchun 35 ta davlat bozori va savdo majmuasi investorlarga taklif etilmoqda. Lekin bir narsani aniq aytaman: birorta bozor yopilmaydi va oʻz funksiyasini yoʻqotmaydi.
Investorga uchta qatʼiy shart qoʻyiladi: belgilangan hajmdagi savdo rastalarini zamonaviy shaklda qurib davlatga topshirish, mavjud tadbirkorlarning ish oʻrinlarini saqlash va yetarli sigʻimdagi avtoturargoh barpo etish. Investor faqat samarasiz foydalanilayotgan maydonlarda savdo, xizmat va koʻngilochar obyektlar qurish huquqini oladi.
Ekobozor bu model ishlashini koʻrsatdi. Xalqaro tajriba ham bor – Rotterdamdagi Markthal yoki Lissabondagi Time Out Market tarixiy bozor funksiyasi saqlangan holda shaharning eng gavjum nuqtalariga aylangani bunga misol boʻla oladi. Bizning bozorlarimiz ham milliy muhitini saqlagan holda aynan shunday rivojlanishi kerak”, – dedi Umrzoqov.
27-iyul kuni imzolangan prezident qaroriga asosan, Toshkentdagi quyidagi bozorlar va savdo komplekslari ommaviy savdolarga chiqariladi:
T/r | Bozor va savdo komplekslari, ularning shoxobchalari | Manzili | Yer maydoni |
