UEFA Chempionlar ligasining 2026/27 yilgi mavsumi asosiy bosqichida ishtirok etadigan klublarning toʻliq roʻyxati maʼlum boʻldi.
26-avgust kuni turnir saralash bosqichining pley-off raundi yakuniy oʻyinlari boʻlib oʻtdi. Natijalarga koʻra, Turkiyaning «Fenerbaxche», Gretsiyaning AEK, Norvegiyaning «Viking» va Slovakiyaning «Slovan» jamoalari asosiy bosqichga yoʻllanmani qoʻlga kiritdi.
Shu tariqa, Chempionlar ligasining umumiy bosqichida 36 ta jamoa ishtirok etadi:
«Arsenal», «Aston Villa», «Liverpul», «Manchester Siti», «Manchester Yunayted» (barchasi – Angliya), «Atletiko», «Barselona», «Betis», «Real», «Vilyarreal» (barchasi – Ispaniya), «Inter», «Komo», «Napoli», «Roma» (barchasi – Italiya), «Bavariya», «Borussiya» (Dortmund), «Leypsig», «Shtutgart» (barchasi – Germaniya), «Lans», «Lill», «Pari Sen-Jermen» (barchasi – Fransiya), PSV, «Feyenoord» (ikkalasi – Niderlandiya), «Portu», «Sporting» (ikkalasi – Portugaliya), «Bryugge» (Belgiya), «Galatasaroy», «Fenerbaxche» (ikkalasi – Turkiya), «Shaxtyor» (Ukraina), «Slaviya» (Chexiya), «Sabah» (Ozarboyjon), LASK (Avstriya), «Budyo-Glimt», «Viking» (ikkalasi – Norvegiya), AEK (Gretsiya) va «Slovan» (Slovakiya).
Asosiy bosqich qurʼa tashlash marosimi 27-avgust kuni Monakoda boʻlib oʻtadi. Bu bosqich oʻyinlari 2026-yil 8-sentabrdan 2027-yil 27-yanvarga qadar davom etadi. Pley-offning dastlabki oʻyinlari 16 va 17-fevral kunlariga rejalashtirilgan.
Turnir finaliga Madridning «Metropolitano» stadioni mezbonlik qiladi – hal qiluvchi bahs 2027-yil 5-iyun kuni oʻtkaziladi.
