Prezident Shavkat Mirziyoyev Oʻzbekiston Mustaqilligining 35 yilligi sharafiga afv toʻgʻrisidagi farmonni imzoladi.
“Oʻzbekiston 24” telekanali xabariga koʻra, jinoyatlaridan pushaymon boʻlgan va tuzalish yoʻliga oʻtgan 852 nafar jazoni oʻtayotgan shaxs afv etilgan.
Ulardan 604 nafari qamoqdan toʻliq ozod qilinmoqda, 115 nafari shartli ravishda ozod qilinmoqda. 52 kishining jazo muddati yengillashtirilgan, 81 kishining qamoq muddati qisqartirilgan.
Afv etilganlar orasida 7 nafar xorij fuqarosi va taqiqlangan tashkilotlar faoliyatida ishtirok etgan 63 nafar shaxs bor.
Afv etilganlarning 375 nafari yoshlar, 49 nafari ayollar, 37 nafari 60 yoshdan oshgan erkaklardir.
Qayd etilishicha, 2017-yildan beri prezident Shavkat Mirziyoyev imzolagan 31 ta farmon asosida jami 10 567 nafar jazo oʻtayotgan shaxs afv etilgan.
