Milliy statistika qoʻmitasi soʻnggi oʻn yilda Oʻzbekistonda oʻrtacha oylik pensiya miqdori qanday oʻzgargani haqida maʼlumot berdi.
Maʼlum qilinishicha, 2025-yilda oʻrtacha pensiya 1,6 mln soʻm boʻlgan, bu – 2016-yilga nisbatan nominal 3,3 barobarga yuqori.
Kun.uz Markaziy bank saytidagi inflyatsiya kalkulyatoridan foydalanib, oʻrtacha pensiyaning real oʻsishini hisobladi. Unga koʻra, 2016-yil dekabr holatidagi (yilning oʻrtasi olindi) 494 ming soʻm (oʻsha yildagi oʻrtacha pensiya) isteʼmol savati qiymati boʻyicha 2025-yil dekabrda 1 mln 360 ming soʻmni tashkil etadi. Bu miqdor – 2025-yilgi oʻrtacha oylik pensiya miqdori (1 mln 649 ming soʻm)dan 21 foizga yuqori.
Oʻzbekistonda oʻrtacha oylik pensiya:
- 2016-yil - 494,2 ming soʻm
- 2017-yil - 556,8 ming soʻm
- 2018-yil - 640,5 ming soʻm
- 2019-yil - 733,2 ming soʻm
- 2020-yil - 848,5 ming soʻm
- 2021-yil - 963,6 ming soʻm
- 2022-yil - 1 080,8 ming soʻm
- 2023-yil - 1 234,5 ming soʻm
- 2024-yil - 1 495,6 ming soʻm
- 2025-yil - 1 649,2 ming soʻm
