Milliy statistika qoʻmitasi maʼlumotlariga koʻra, 2026-yilning yanvar–iyul oylarida Oʻzbekiston tashqi savdo aylanmasi 49,5 mlrd AQSH dollariga yetdi.
Bu 2025-yilning mos davridagi koʻrsatkichga nisbatan 3,7 mlrd dollar yoki 8,1 foizga koʻp.
Hisobot davrida Oʻzbekiston eksporti 19,9 mlrd dollarni tashkil etdi. Bu oʻtgan yilning yanvar–iyul oylariga nisbatan 3,6 foizga kam.
Import hajmi esa 17,8 foizga oʻsib, 29,6 mlrd dollarga yetdi. Shu tariqa, yetti oylik tashqi savdo balansida import eksportdan 9,7 mlrd dollarga koʻp boʻldi.
Ayni paytda, oltinni hisobga olmaganda, tovarlar eksportida sezilarli oʻsish qayd etilgan. Uning hajmi 9,8 mlrd dollarni tashkil etib, 2025-yilning mos davriga nisbatan 27,7 foizga oshgan.
2026-yilning yetti oyida Oʻzbekiston dunyoning 200 dan ortiq mamlakati bilan savdo aloqalarini amalga oshirgan.
Tashqi savdo aylanmasida eng katta ulush Xitoy hissasiga toʻgʻri keldi - 22,7 foiz. Keyingi oʻrinlarni Rossiya - 16,4 foiz, Qozogʻiston - 6,6 foiz, Turkiya - 3,3 foiz va Afgʻoniston - 2,5 foiz bilan egalladi.
