Prezident Shavkat Mirziyoyevning Serbiyaga rasmiy tashrifi doirasidagi tadbirlarning navbatdagisi 8-sentabr kuni boʻlib oʻtdi: Belgrad koʻchalaridan biriga Toshkent nomi berildi.
Tadbirda Serbiya prezidenti Aleksandr Vuchich ham ishtirok etdi.
Yetakchilar mazkur qaror bugun strategik sheriklik darajasiga koʻtarilgan Oʻzbekiston – Serbiya koʻp qirrali munosabatlarining jadal rivojlanib borayotganining ifodasi ekanini taʼkidladilar.
Toshkent koʻchasi xalqlar oʻrtasidagi doʻstlik va mehr-oqibat rishtalarini yanada mustahkamlashga qatʼiy intilishning yorqin ramziga aylanishiga ishonch bildirildi.
