Reuters agentligining ikki suhbatdoshiga koʻra, ushbu ikki mamlakatning immigratsion vizalariga ustuvorlik berish haqidagi farmoyish Oq uydan kelgan. Boshqa mamlakatlar uchun immigratsion viza suhbatlariga yozilishni vaqtincha toʻxtatish tartibi oʻz kuchida qolmoqda.
AQSH nima uchun aynan Vengriya va Polshani ajratib koʻrsatgani hozircha nomaʼlum. Reuters’ning qayd etishicha, Tramp va uning maslahatchilari har ikki davlat hukumatidagi oʻng qanot kuchlar bilan yaqin aloqalar oʻrnatgan. Xususan, Tramp Vengriyaning sobiq bosh vaziri Viktor Orbanni, shuningdek, Polshaning amaldagi prezidenti Karol Navrotskini ochiq qoʻllab-quvvatlagan, uning saylanishi esa bosh vazir Donald Tuskning markazchilar hukumati bilan ziddiyatga olib kelgan edi.
2026-yil boshida AQSH Davlat departamenti 75 mamlakat, jumladan, Oʻzbekiston fuqarolari uchun immigratsion viza arizalarini koʻrib chiqishni toʻxtatishga qaror qilgani maʼlum boʻlgan edi. Idora konsullarga AQShda ijtimoiy nafaqa olishga urinishi mumkin boʻlgan shaxslarga viza berishni rad etishni tavsiya qilgan. Davlat departamentining bu qarori ustidan sudga shikoyat qilingan. Avgust oyida Nyu-York shtati federal sudi uni noqonuniy deb topib, qarorni bekor qilgan. Biroq oy oxirida Tramp maʼmuriyati konsullik xodimlarini «chuqurlashtirilgan oʻqitish»dan oʻtkazish uchun immigratsion viza arizalarini koʻrib chiqishni yana toʻxtatib qoʻygan edi.
