«Siti» yirik hisobda gʻalaba qozonib, kubokda keyingi bosqichga oʻtdi

Angliya Liga kubogi. 3-bosqich.
«Manchester Siti» – «Norvich» 5:0
Gollar: Samba 29, 54, Sherki 32, Allan 48, Makaydu 90.
«Manchester Siti»: Ruli, Husanov, Reys, OʼRayli, Lyuis, Kovachich, Buaddi, Allan (Breytuey, 71), Samba, Ait-Nuri, Sherki (Makaydu, 46).
«Norvich»: Grimshou, Fisher, Darling, Alvesh (Makkonvil 71), Yongva, Rayt, Fild, Srnats (Musaba 62), Slimane (Ture, 71), Diallo (Maghoma, 46) Kvistgarden (Shvartau 85).
Ogohlantirish: Fisher, 30

«Manchester Siti» Angliya Liga kubogining 1/16 final bosqichi doirasida oʻz uyida chempionship vakili «Norvich»ni qabul qildi va yirik hisobda gʻalaba qozondi – 5:0.

Enso Mareska tarkibda katta rotatsiyaga qoʻl urdi, xususan, Abduqodir Husanovni boshlangʻich tarkibga qaytardi (bungacha u ketma-ket ikki oʻyinda asosiy tarkibdan chetda qolgan, YeChLda «Portu»ga qarshi oʻyinda zaxiradan tushgan, APLda «MU»ga qarshi oʻyinda umuman oʻynamagandi).

Shu kuni «shaharliklar» safida ilk oʻyinini oʻtkazgan 17 yoshli Floyd Samba dubl qayd etdi. Ushbu yarimhimoyachi 29- va 54-daqiqalarda darvozani ishgʻol qildi. Shuningdek, Rayan Sherki (32-daqiqa), Allan (48) va 18 yoshli Rayan Makaydu (90) ham oʻz hisobiga bittadan gol yozib qoʻyishdi.

Endi oktabr oyi oxirida turnirning 1/8 final bosqichi doirasida «Manchester Siti» «Brayton»ga qarshi oʻynaydi, ushbu jamoa 1/16 finalda «Manchester Yunayted»ni magʻlub etib (3:2), turnirdan chiqarib yuborgandi.