Prezidentning tegishli farmoni va qarori bilan Ilxom Toxirovich Siradjev Oʻzbekiston Respublikasi taʼlim va ilm-fan vazirining komplayens va korrupsiyaga qarshi ichki nazorat boʻyicha oʻrinbosari lavozimiga tayinlandi.
U tayinlovga qadar Prezident administratsiyasi rahbarining taʼlimni isloh qilish boʻyicha oʻrinbosari sifatida faoliyat olib borayotgan edi.
Ilxom Siradjev 2006-2017 yillarda Toshkent shahar xalq taʼlimi bosh boshqarmasi, Toshkent shahar oʻquvchilar texnik ijodiyot markazida turli vazifalarda, 2017-2023 yillarda Xalq taʼlimi vazirligi bosh iqtisodchisi, Moliyalashtirish, buxgalteriya hisobi va hisoboti boshqarmasi boshligʻi, Moliyaviy tahlil va rejalashtirish boshqarmasi boshligʻi, Moliya departamenti direktori lavozimlarida mehnat qilgan.
2025-yil sentabrda Prezident administratsiyasi rahbarining taʼlimni isloh qilish boʻyicha oʻrinbosari lavozimiga tayinlangan.
