6–9-oktabr kunlari Oʻzbekiston boʻyicha yogʻingarchilik kutilmaydi, deya xabar bermoqda Oʻzigdromet.
Dushanba kunduzi Oʻzbekiston hududining katta qismida quruq va iliq ob-havo boʻlishi kutilmoqda. Faqat Fargʻona vodiysi viloyatlarida vaqti-vaqti bilan yomgʻir yogʻadi. Havo haroratining yuqori qiymati +15…+20 daraja boʻladi.
Havo harorati 6-oktabrda kechasi +5…+10, shimolda +2…+7 daraja, kunduzi +15…+20 daraja boʻladi. 7−9-oktabrda asta-sekin kechasi +10…+15 darajagacha, kunduzi +20…+25 darajagacha koʻtariladi.
Shamol sharqdan 7−12 metr/soniya tezlikda esadi, 5-oktabrda Fargʻona vodiysida baʼzi joylarda 13−18 metr/soniyagacha kuchayishi mumkin.
Respublikaning togʻoldi va togʻli hududlarida 5-oktabrda baʼzi joylarda yomgʻir yogʻadi, sel-suv toshqin hodisalari yuzaga kelishi mumkin. Baland togʻlarda baʼzi joylarda yomgʻir qorga aylanishi mumkin. 6−9-oktabrda yogʻingarchilik kutilmaydi, faqat Fargʻona viloyatining togʻli hududlarida 8−9-oktabrda biroz yomgʻir yogʻishi mumkin.
Toshkent shahrida yogʻingarchilik kutilmaydi. Shamol sharqdan 3−8 metr/soniya tezlikda esadi. Havo harorati dushanba kunduzi va seshanba kuni +17…+20 daraja boʻladi, 7−9-oktabrda +22…+25 darajagacha asta-sekin koʻtariladi. Harorat kechasi 6−7-oktabrda +7…+10 daraja boʻladi, 8−9-oktabrda +12…+15 darajagacha koʻtariladi.
