Ukraina prezidenti Volodimir Zelenskiy 8-oktabr kuni jurnalistlarga delegatsiyaning AQShga tashrifi haqida maʼlum qilgan.
Uning soʻzlariga koʻra, muzokaralarda Ukraina nomidan Prezident ofisi rahbari Kirill Budanov, uning oʻrinbosari Sergey Kislitsa, parlamentdagi «Xalq xizmatkori» fraksiyasi raisi David Araxamiya hamda Tashqi razvedka xizmati rahbari Rustem Umerov ishtirok etadi.
Zelenskiy Yevropa vakillari ham muzokaralarga qoʻshilishi mumkinligini aytgan.
Yuqori martabali amerikalik amaldorga tayanib xabar berilishicha, uchrashuvda «mojaroning barcha jihatlarini qamrab oluvchi va urushni tugatishni maqsad qilgan» yangi taklif koʻrib chiqiladi. Hozircha uning batafsil shartlari ochiqlanmagan.
Zelenskiy Rubioning «boshi berk koʻcha» haqidagi fikrini tanqid qildi
Shu kuni Zelenskiy AQSH davlat kotibi Marko Rubioning Ukrainadagi urush boshi berk koʻchaga kirib qolgani va muzokaralar orqali yechim topish istiqbollari koʻrinmayotgani haqidagi bayonotiga ham munosabat bildirgan.
Rubio bu fikrlarni Gretsiyaning Kathimerini gazetasiga bergan intervyusida aytgan.
Zelenskiyning taʼkidlashicha, bir tomondan Rossiya bilan kelajakdagi iqtisodiy loyihalar haqida gaplashib, ikkinchi tomondan diplomatik imkoniyatlar tugaganini aytish toʻgʻri emas.
«Biz diplomatik boshi berk koʻchada emasmiz», - degan Ukraina prezidenti.
U Vashingtonni Rossiyaga iqtisodiy bosimni kuchaytirishga, savdo orqali uni qoʻllab-quvvatlamaslikka va qurol-yarogʻiga qarshi sanksiyalar joriy etishga chaqirgan.
Starlink boʻyicha ham murojaat qilindi
Zelenskiy AQShdan Ukrainaga Rossiya hududi ustida Starlink tizimidan foydalanishga ruxsat berishni ham soʻragan.
Uning fikricha, bu Ukrainaga havoda ustunlikka erishishga yordam beradi va oxir-oqibat Vladimir Putinni muzokaralar stoliga oʻtirishga majbur qilishi mumkin.
«Yandeks» data-markaziga zarba haqida nima dedi?
