2026-yilning dastlabki 9 oyi davomida tazyiq va zoʻravonlikdan himoya qilish maqsadida 107 167 ta himoya orderi rasmiylashtirildi, deb maʼlum qildi Ijtimoiy himoya milliy agentligi.
Agentlikning bildirishicha, oʻtgan davrda birlamchi koʻmak xonalarida 5 995 nafar ayol va 2 842 nafar bola yordam olgan.
Hududiy reabilitatsiya markazlarida 1 132 nafar ayol va 1 575 nafar bolaga xizmat koʻrsatilgan.
Shuningdek, 453 nafar shaxs kasb-hunarga oʻrgatilgan, 836 nafariga tibbiy yordam olishda koʻmaklashilgan. 352 nafar bolani maktabga, 541 nafarini esa bogʻchaga joylashtirishga yordam berilgan.
Sudlarga 810 ta ariza kiritilgan. Aliment boʻyicha 305 ta, ijro harakatlari boʻyicha 223 ta, uyga kiritish boʻyicha 76 ta, hujjatlarni tiklash boʻyicha 37 ta va mulkni boʻlish boʻyicha 30 ta amaliy yordam koʻrsatilgan.
