Oʻzbekistonda 2027-yildan boshlab alkogolsiz ichimliklarni tarkibidagi shakar miqdoriga qarab turli ranglarda markirovkalash tartibi joriy etilishi mumkin. Sogʻliqni saqlash vazirligi bu haqdagi hukumat qarori loyihasini jamoatchilik muhokamasiga qoʻydi.

Taklifga koʻra, 2027-yil 1-yanvardan boshlab Oʻzbekiston hududida ishlab chiqariladigan va import qilinadigan alkogolsiz ichimliklarni tamgʻalashda har 100 ml mahsulotning tarkibidagi umumiy shakar miqdoridan kelib chiqib quyidagi majburiy ogohlantiruvchi yozuvlar qoʻllaniladi:

  • 5 grammdan 8 grammgacha shakar mavjud boʻlganda - sariq fonda qora rangda “OʻRTACHA SHAKAR MIQDORI”;

  • 8 grammdan 11 grammgacha shakar mavjud boʻlganda - toʻq sariq fonda qora rangda “SHAKAR MIQDORI YUQORI”;

  • 11 gramm va undan yuqori shakar mavjud boʻlganda - qizil fonda oq rangda “JUDA YUQORI SHAKAR MIQDORI - TEZ-TEZ ISTEʼMOL QILISH SALOMATLIKKA ZARAR”.

Bunda mazkur yozuvlar quyidagi talablarga muvofiq boʻlishi lozim:

  • mahsulot qadogʻining old qismida joylashtirilishi;

  • qadoq umumiy yuzasining kamida 15 foizini egallashi;

  • kontrastli ranglarda ifodalanishi;

  • isteʼmolchi tomonidan birinchi qarashda aniq koʻrinadigan tarzda joylashtirilishi;

  • mahsulot tarkibi, kaloriyasi hamda kunlik isteʼmol meyori toʻgʻrisidagi maʼlumotlarni oʻz ichiga olgan QR-kod bilan taʼminlanishi.

Oziq-ovqat mahsulotlari xavfsizligi qoʻmitasi:

  • 2027-yil 1-martgacha alkogolsiz ichimliklarni laboratoriya tahlilidan oʻtkazish boʻyicha yagona metodikani tasdiqlashi;

  • 2027-yil 1-sentabrga qadar mazkur metodika asosida akkreditatsiyadan oʻtgan laboratoriyalarda