Prezident farmoni loyihasida quyidagilar qayd etilgan:

  • noyabrda ehtiyojmand oilalarga 1 mln soʻmdan bir martalik moddiy yordam beriladi;

  • gazlashmagan hududlarda qishda elektrning bazaviy meyori 200 kVt·soatdan 350 kVt·soatgacha oshiriladi;

  • ehtiyojmand oilalarga suyultirilgan gazning har bir kilogrammi uchun 3000 soʻmdan, oyiga 20 kg gacha kompensatsiya toʻlanadi.

Vazirlar Mahkamasi qarori loyihasida quyidagilar nazarda tutilgan:

  • suyultirilgan gaz narxini 1 kg uchun 5 000 soʻm etib belgilash, 1-noyabrdan isitish va issiq suv uchun yangi tariflar joriy etish taklif etilmoqda.

  • xususan, 2026-yil 1-noyabrdan boshlab isitish (issiqlik energiyasi) va issiq suv tariflari oʻrtacha 30 foizga indeksatsiya qilinadi. Xususan, Toshkent shahrida isitish tariflari sutkasiga 1 m2 uchun 314,0 soʻm etib belgilanadi.

Birinchi marta issiq suv tariflari hukumat qarori bilan butun respublika boʻyicha tasdiqlanmoqda.

Loyihalar muhokamasi 28-oktabrgacha davom etadi.