Quyoş tizimidagi bir sayyoraning yöldoşlari qolgan barça sayyoralarning jami yöldoşlaridan köp. Saturnning 285 ta yöldoşi borligi tasdiqlangan, Merkuriy, Venera, Yer, Mars, Yupiter, Uran va Neptunning yöldoşlari esa jami 149 tani taşkil etadi. Bunday ustunlik Saturn yöldoşlari orasida teleskoplar yaqindagina aniqlay olgan köplab kiçik obyektlar borligi bilan izohlanadi.
Eng sönggi tasdiqlangan maʼlumotlarga köra, sakkizta sayyoraning jami 434 ta tabiiy yöldoşi maʼlum. Beşta mitti sayyora ham hisobga olinsa, bu son 444 taga yetadi. Taqsimot quyidagiça: Yerning - bitta, Marsning - ikkita, Yupiterning - 101 ta, Saturnning - 285 ta, Uranning - 29 ta, Neptunning - 16 ta yöldoşi bor. Merkuriy va Veneraning yöldoşi yöq.
Turli manbalarda turliça raqamlarni uçratiş mumkin. Masalan, NASA agentligining yöldoşlarga bağişlangan asosiy sahifasida hanuz avvalgi statistika keltirilgan: 293 ta obyekt, jumladan, Yupiterning 95 ta, Saturnning 146 ta va Uranning 28 ta yöldoşi. Sky & Telescope jurnalining 2025-yil noyabrda yangilangan maʼlumotnomasida esa 429 ta yöldoş körsatilgan.
Bu farq, avvalo, maʼlumotlar turli vaqtda yangilanişi bilan izohlanadi. Obyekt Xalqaro astronomiya ittifoqi tomonidan uning Kiçik sayyoralar markazi orqali tasdiqlanganidan keyingina rasman yöldoş deb tan olinadi. Internet manbalari esa öz maʼlumotlarini bir vaqtda yangilamaydi.
Saturnning maʼlum yöldoşlari Quyoş tizimidagi boşqa har qanday sayyoranikidan köp. 2025-yil mart oyida astronomlar birdaniga Saturnning 128 ta yangi yöldoşi topilganini eʼlon qildi. Şu tufayli ularning umumiy soni 146 tadan 274 taga yetdi. Bir yil ötib, 2026-yil martda Kiçik sayyoralar markazi yana 11 ta obyektni tasdiqladi va yöldoşlar soni 285 taga yetdi.
Yangi yöldoşlarning aksariyati diametri atigi bir-ikki kilometrga teng. Ularning yorqinligi oddiy köz bilan köriş mumkin bölgan obyektlarnikidan taxminan 100 million marta past. Ularni topiş uçun astronomlar osmonning bir xil hududini köp marta suratga olgan va har bir tasvirni harakatlanayotgan obyektga moslab biroz siljitgan. Söng tasvirdagi şovqinlar fonida xira yoruğ nuqta köringunça suratlarni birlaştirgan.
Saturn yöldoşlari tizimi özining ulkan kölami bilan ham ajralib turadi. Yerdan qaralganda, ular osmonda eniga taxminan beşta tölin Oy diskiga teng hududni egallagan bölardi. Ayni paytda 285 ta yöldoşdan faqat 64 tasiga alohida nom berilgan. Xalqaro astronomiya ittifoqi, odatda, eng yirik va yorqin obyektlarga nom beradi. Qolganlari katalog indekslari bilan belgilanadi.
